DİGƏR XƏBƏRLƏR
MENYU
Seçkilərin ikinci turda olduğunu açıqlayandan sonra prezident Ərdoğan paylaşım edib və xalqın iradəsinə hörmət etdiyini bildirib.
AZİNFORM.AZ bildirir ki, prezident Ərdoğan sosial media hesabından diqqətçəkən paylaşım edib.
Səs verən hər kəsə təşəkkür edən Ərdoğan deyib:
“Tariximizin ən yüksək fəallığı olan seçkilərdən biri olan 14 May seçkiləri demokratiyamıza yaraşan bayram ab-havasında, sevimli xalqımızın tədbirliliyi və uzaqgörənliyi ilə keçdi.
Millətimiz sosial media kanallarına və xarici jurnalların üz qabığına baxmayaraq, azad iradəsini qorudu.
Nəticədən asılı olmayaraq, 14 may seçkilərinin qalibi 85 milyon nəfərlə Türk demokratiyası və Türk Milləti oldu. Millətimiz 27 milyondan çox səslə 49,51 faiz səslə bizə bir daha böyük rəğbət göstərərək Türkiyə Böyük Millət Məclisindəki çoxluğu Xalq İttifaqına verərək, bizə və İttifaqımıza güvəndiklərini, onlara inandıqlarını təsdiqlədi.
Mayın 14-də seçkiyə gedərək azad iradəsini əks etdirən bütün vətəndaşlarıma və xaricdəki 56 milyon insanımızın hər birinə dəyərli səslərinə, demokratiyaya verdiyi töhfələrə görə təşəkkür edirəm. Türkiyə dünən göstərdiyi yetkinliklə dünyanın ən qabaqcıl demokratik mədəniyyətə malik ölkələrindən biri olduğunu göstərdi.
Ali Seçki Qurumunun açıqlamalarına görə, ən yaxın rəqibimizlə aramızda 2,5 milyon səs fərqinə baxmayaraq, Prezident seçkiləri yarım xaldan da az fərqlə ikinci tura çatıb. Millətin iradəsindən başqa heç bir güc tanımayan, millətin çəkdiyi səmtdən dönməmiş bir siyasətçi kimi sandıq başında təzahür edən bu iradəyə hörmətlə yanaşırıq.
Mayın 28-nə kimi dayanmadan, dincəlmədən, eşqlə qaçmaqla sevimli millətimiz qarşısında məsuliyyətimizi yerinə yetirəcəyik. Mayın 14-də əldə etdiyimiz səs nisbətini artıraraq 28 May seçkisindən qalib çıxacağıq və inşallah tarixi uğur qazanacağıq.
Dayanma, davam et deyərək, Əsr Türkiyə vizyonumuza uyğun olaraq 28 May üçün işə başladıq. Bildirmək istərdim ki, hansı siyasi partiyanı sevməsindən asılı olmayaraq, biz bütün vətəndaşlarımın səsinə can atırıq. Allah yar və yardımçımız olsun”.
AZİNFORM.AZTarihimizin en yüksek katılımlı seçimlerinden biri olan 14 Mayıs seçimleri, aziz milletimizin basiret ve ferasetiyle demokrasimize yakışır bir şölen havası içinde gerçekleşmiştir.…
— Recep Tayyip Erdoğan (@RTErdogan) May 15, 2023
