DİGƏR XƏBƏRLƏR
MENYU
Belarusiyadan idxal edilən dondurulmuş toyuq məhsullarına təkcə Belarusiyada deyil, Azərbaycanda da nəzarət edilir.
AZİNFORM.AZ xəbər verir ki, idxal edilən toyuqlar “broyler” toyuğu deyil, məhz “kənd” toyuğudur. Məhsulların idxalına Azərbaycan Respublikasının Qida Təhlükəsizliyi Agentliyi tərəfindən icazə verilir. Bu o deməkdir ki, həmin məhsulların tərkibində hər hansı təhlükəli maddə və ya xəstəlik riski ola bilməz.
Toyuq əti dövlət müəssisəsində istehsal olunduğundan bütün tələblərə və dövlət standartlarına əməl olunduğun üçün toyuqlar tam olaraq qidalanmaq üçün yararlıdır.
Belarusiyanın 1-ci Minsk Quşçuluq Fabriki ASC tərəfindən istehsal edilən dondurulmuş toyuqların tədarükçüsü “AFM Construction” MMC-nin direktoru Anar İsmayılov açıqlamasında bunları qeyd edib:
"Məhsul anbarlara daxil olduqdan sonra AQTA tərəfindən bəzən bütöv qutular və ya hər bağlamadan bir və ya iki nümunə laboratoriya müayinəsi üçün seçilərək götürülür. Analizlərin nəticəsi bəlli olduqdan sonra satışına icazə verilən bütün sənədlər hazırlanır. Yalnız bundan sonra məhsullar satışa çıxarılır.
Bu məhsulların yerli bazarda ümumi payı 2-3%-dən çox deyil. Ölkənin 140 min ton toyuq məhsulu tələbatının təxminən 120-130 min ton civarında hissəsini yerli şirkətlər təşkil edir. Eyni zamanda tədarükçünün sözlərinə görə cəmi 5-6% mənfəət ilə işləyir, yerli istehsalçılar isə mənfəətin 40%-nə malikdir.".
Şirkət rəhbəri həmçinin qeyd edir ki, daha ucuz malların olması Azərbaycan sahibkarları üçün sərfəli deyil.
