DİGƏR XƏBƏRLƏR
MENYU
Süni intellekt xərçəng də daxil olmaqla müxtəlif xəstəliklərlə mübarizədə immun sistemini gücləndirən yeni effektiv immunomodulyatorları müəyyən etməyə kömək edib.
AZİNFORM.AZ xəbər verir ki, araşdırmanın nəticələri "Chemical Science" jurnalında dərc olunub.
Alimlər süni intellektlə məhdud sayda molekulların yüksək məhsuldarlıqlı eksperimental sınaqlarını birləşdirən aktiv öyrənmə metodundan istifadə ediblər. Aktiv öyrənmə nəhəng molekulyar məkanda potensial dərmanların axtarışı problemini həll etməyə imkan verib.
Alimlər bütün molekulyar axtarış sahəsinin iki faizini təşkil edən cəmi 2880 birləşmənin yüksək məhsuldarlıqlı skrininqini aparıblar. Dörd tsikl nəticəsində misli görünməmiş immunomodulyator xüsusiyyətlərə malik molekullar aşkar edilib. Beləliklə, onlar fitri immun reaksiyaya təsir edərək həm iltihabi proseslərdə və immun aktivləşmədə rol oynayan NF-κB siqnal yolunu, həm də viruslarla mübarizə üçün vacib olan IRF interferon tənzimləyici faktor yolunu gücləndirib və ya əksinə zəiflədiblər. /publika.az/
