DİGƏR XƏBƏRLƏR
MENYU
ABŞ alimləri süni intellekti xərçəng diaqnozu qoyulmuş xəstələr üzərində sınaqdan keçiriblər.
AZİNFORM.AZ xəbər verir ki, tədqiqatçılar xəstələrdən toplanan məlumatların 3/4-dən süni intellekt alətini öyrətmək üçün, qalan məlumatları isə süni intellektin ömrünü proqnozlaşdırmaq üçün istifadə ediblər. Nəticədə süni intellektin məlumatları çox dəqiqliklə araşdırılan xərçəng xəstələrinin ömrünü hesabladığı açıqlanıb.
Elm aləmində süni intellekt küləyi əsməkdə davam edir. Ən son olaraq elm adamları iflic olan və danışa bilməyən bir xəstəyə süni intellektlə hazırlanmış beyin implantı yerləşdirdilər və implant sayəsində xəstə yenidən ucadan danışmağa başladı. Bu dəfə süni intellekt xəstələrin qalan həyatlarını proqnozlaşdırıb.
ABŞ-ın İllinoys ştatındakı Şimal-Qərb Universiteti Tibb Mərkəzindən tədqiqatçılar 2015-2017-ci illər arasında xərçəng diaqnozu qoyulan təxminən 260 min döş, 77 min tiroid və 85 min mədəaltı vəzi xərçəngi xəstəsindən əldə edilən məlumatları araşdırdılar.
Tədqiqatçılar toplanmış məlumatların 3/4-dən süni intellekt alətini öyrətmək, qalan məlumatı isə süni intellektin ömrünü qiymətləndirmək üçün istifadə ediblər.
Tədqiqat aparan Lauren Janczewski, süni intellektin məlumatları son dərəcə dəqiq şəkildə araşdırılan xərçəng xəstələrinin ömrünü hesabladığını açıqladı.
Janczewski, süni intellektin xəstənin sağlamlıq vəziyyətinə ən çox təsir edən şiş və müalicə xüsusiyyətlərini nəzərə alaraq, çox daha fərdi və xəstəyə xas ömür müddəti təmin etdiyini, məlumat modelləşdirmə prosesinin sürətləndirildiyini və dəqiqlik nisbətinin artırıldığını ifadə etdi.
Tədqiqatçılar diaqnozdan sonra 5 il ərzində xəstələrin sağlamlıq vəziyyətinə ən çox təsir edən dörd faktoru sadaladılar.
Bunlar döş xərçəngi üçün əməliyyat olub-olmaması, xəstənin yaşı, şişin ölçüsü və diaqnozdan müalicəyə qədər olan müddət kimi sıralanırdı.
Qalxanabənzər vəzi xərçəngi olan xəstələrdə diaqnoz qoyulma yaşı, şiş ölçüsü, müalicə müddəti və limfa düyünlərinin tutulması ən çox təsir edən faktorlar olduğu müəyyən edilmişdir.
Mədəaltı vəzi xərçəngi xəstələrində xərçəng əməliyyatı olub-olmamasının vacibliyi, xərçəngin mikroskopik analizi, şişin ölçüsü və diaqnoz qoyulma yaşı vurğulanıb.
Tədqiqatçılar döş, tiroid və mədəaltı vəzi xərçənglərində şiş və müalicədəki fərqlərin xəstənin qalan ömrünə əhəmiyyətli dərəcədə təsir etdiyini vurğuladılar.
Tədqiqatın nəticələri "Amerika Cərrahlar Kolleci (ACS) 2023 Klinik Konqresi"ndə təqdim olunub.
