DİGƏR XƏBƏRLƏR
MENYU
Adanada qadın tanımadığı şəxsin hücumuna məruz qalıb.
Türkiyə mətbuatına istinadən xəbər verir ki, hadisə Adanada Seyhan rayonunun Gürselpaşa məhəlləsində baş verib. İddiaya görə, İstanbulda baş koordinator vəzifəsində çalışan 42 yaşlı Fide Uyarlar atası xəstələndiyi üçün Adanaya gəlib. Evlərinin bağçasında itlərini gəzdirərkən əvəllər tanımadığı 45 yaşlı Gökhan K. ilə qarşılaşıb. Onunla cəmi bir neçə dəfə salamlaşan Uyarlar daha sonra həmin şəxs tərəfindən sıxışdırılıb. Uyarların evinə daxil olan şəxs qadını günlərlə saxlayıb təqib edərək qolunu sındırıb.
Qadın isə bu hadisənin təkrar olunmayacağını düşünərək şikayət etməyib. Lakin Gökhan K. bir müddət sonra gənc qadının evinə qayıdaraq zorla evdə qalaraq günlərlə onu döyüb. Bir müddət sonra həmin adam qadına liftdə tacəvüzə cəhd edib.
Qadın daha sonra şübhəli haqqında şikayət edib. Şübhəli qadının ona yumruq vurmasından şikayət edəndə Fide Uyarlar həm şübhəli, həm də şikayətçi olub. Qadın onunla polis qarşısında şərt kəsdikdən sonra barışığa gedib. Lakin şübhəli şəxs bir neçə gün sonra eyvandan gənc qadının evinə daxil olaraq Fideyə hücum edib. Səhərə qədər evdə qalaraq qadına təcavüz etməyə çalışan şübhəli daha sonra qaçıb. Bu anlar qadının evinə yerləşdirilən təhlükəsizlik kamerası tərəfindən anbaan lentə alınıb. Şübhəli qaçdıqdan sonra gənc qadın görüntüləri polisə təqdim edib və növbəti dəfə şikayətçi olub.
Yaşadığı dəhşətləri göz yaşları içində izah edən Uyarlar, “Bu onun mənə etdiyi üçüncü hücumdur. Əvvəllər məni bir həftə evimə həbs etdirdi, telefonlarımı müsadirə etdi. Sonra bir ay yoxa çıxdı. Uludağa getdim, orada yıxılıb ayağımı sındırdım. Evdə çəliklə gəzirdim, saat 00.30-da sərxoş halda qapıma gəldi. Gecə saat 00.30-dan səhər 06.30-a kimi məni döyərək zorla mənimlə evlən deyirdi".
Qadın daha sonra ifadəsində bildirib ki, həmin şəxs onu və itlərini öldürməklə hədələyib:
"Daha sonra məni lüt soyunduraraq zorlamağa və şəklimi çəkməyə çalışdı. Məni ailəmlə hədələyirdi. Bu, sevgi deyil, vəhşilikdir. Bu adam bir neçə ay yatacaq, sonra çıxıb yenə məni öldürənə qədər mübarizə aparacaq. Döyərkən yalvarırdım, ağzımdan burnumdan qan gəlirdi, dedim, indi öldür. Dedi ki, mən səni öldürməyəcəyəm, səni süründürəcəyəm".
Polis araşdırmaları davam etdirir, həmin şəxsin hazırda azadlıqda olduğu bildirilir.
