DİGƏR XƏBƏRLƏR
MENYU
AZİNFORM.AZ-ın xəbərinə görə, Fransada nadir səma hadisəsinin şahidi olan qadın qəhvə içərkən meteoritlə üzləşib. Naməlum qadın iyulun 6-da rəfiqəsi ilə terrasda oturub söhbət edərkən qəfildən müəmmalı çınqıl onun qabırğasına dəyib. Qadın yaşadıqlarını Fransanın “Les Dernières Nouvelles d'Alsace” qəzetinə danışıb:
“Mən yanımızda olan damdan böyük “Boom” səsi eşitdim. Dərhal sonra qabırğalarımda bir sarsıntı hiss etdim. Düşündüm ki, bu heyvandır, yarasa! Biz elə bilirdik ki, damın üstünə qoyduğumuz sement parçasıdır. Amma eyni rəngdə deyildi”.
Qadın ona nə baş verdiyini anlamaq üçün düşmüş daşı yerli dam ustasına göstərib. Dam ustası daşın sementdən olmadığını, meteorit kimi göründüyünü bildirib. Qadın müəmmalı obyekti geoloq Thierry Rebmanna da göstərib. Rebmann daşın kosmosdan gəldiyini təsdiqləyib.
Geoloq Rebmann meteoritdə dəmir və silikon qarışığı olduğunu bildirib.Bbu qarışıq qeyri-adi olmasa da, insanların belə obyektlərlə vurulması olduqca nadirdir. “Bizim iqlimdə onlara çox nadir rast gəlinir. Onlar digər elementlərlə birləşirlər. Digər tərəfdən, biz onları səhra mühitində daha asan tapa bilərik”, - Rebmann bildirib.
Meteoritlər kosmosdan Yer atmosferindən keçərək yerə düşən 'kosmik qayalar'dır. NASA-nın məlumatına görə, hər gün Yerə təxminən 50 ton meteorit maddəsi düşür.
Bu ilin may ayında ABŞ-ın Nyu Cersi ştatında yaşayan bir ailənin damından potensial meteorit keçdiyi barədə CBS News xəbər vermişdi. Hopewell Township Polis Departamentinin məlumatına görə, 10x15 sm ölçülü bir obyekt Köhnə Vaşinqton keçidindəki Penninqton yolunda yerləşən ferma evinə dəyib və taxta döşəməni zədələyib. Toqquşma zamanı ailə üzvləri evdə olmayıb.
