DİGƏR XƏBƏRLƏR
MENYU
Türkiyəli rejissor Faysal Soysalın mükafata layiq görülmüş “Qoz ağacı” (Ceviz Ağacı) filmi sentyabrın 2-dən etibarən İranda 20 kinoteatrda farsca subtitrlərlə tamaşaçılara təqdim olunacaq. SİA bu barədə Türkiyə saytlarına istinad edir.
Baş rollarda Serdar Orçin, Sezin Akbaşoğulları, Kübra Kip, Mert Yavuzcan, Şebnem Dilligil və Rıza Akının rol aldığı filmin premyerası çəkiliş qrupu və aktyorların iştirakı ilə Tehranda baş tutacaq.
Türkiyə Mədəniyyət və Turizm Nazirliyi ilə TRT-nin istehsalı dəstəyi ilə ərsəyə gələn film uzun illərdən sonra İranda kinoteatrlarda nümayiş etdirilən ilk xarici film olacaq.
Tamaşaçılar böyük ekranda farsca subtitrlərlə Türkiyə türkcəsində filmə baxmaq imkanı qazanacaqlar.
Qeyd edək ki, 27-ci Adana, “Torino Underground”, “Balkan Panorama” film festivalları və VI London Şəhər Mükafatları Festivalı da daxil olmaqla, bir çox festivalın mükafatlarını qazanan “Qoz ağacı” filmi zəif və passiv xarakterli ədəbiyyat müəllimi olan Hayatinin başına gələn hadisələri əks etdirir.
