DİGƏR XƏBƏRLƏR
MENYU
2016-cı il iyulun 15-də Fətullah Gülənin rəhbərlik etdiyi FETÖ terror təşkilatı üzərində qazanılan şanlı qələbə sayəsində Türkiyə ölkəni işğal və zəbt etmək cəhdinin uğursuzluğunu bir daha dünyaya nümayiş etdirdi.
AZİNFORM.AZ xəbər verir ki, bunu Türkiyə prezidenti Rəcəb Tayyib Ərdoğan bildirib.
Türkiyə lideri 2016-cı il iyulun 15-də FETÖ-çülər tərəfindən hakimiyyəti zorla ələ keçirmə cəhdinin qarşısının alınmasının ildönümündə ölkədə qeyd olunan Demokratiya və Milli Birlik Günü münasibətilə müraciət edib.
Müraciət iyulun 15-də türk və ingilis dillərində bir sıra yerli nəşrlərdə dərc olunub.
Ərdoğan tarixi mübarizədə 2016-cı il iyulun 15-də hərbi çevriliş adı altında ölkəni işğal etmək cəhdinin qarşısını alaraq Türkiyə uğrunda döyünən ürəklərin yenidən birləşdiyini vurğulayıb.
“Dövlət çevrilişinə cəhd gecəsində Vətəni, bayrağı və müstəqilliyi qəhrəmancasına müdafiə edərək əzmkarlıq nümayiş etdirən hər bir soydaşımı salamlayıram. İyulun 15-də qəhrəmanlıq ruhuna sadiq olacağıq, Türkiyə naminə çalışacağıq”, – Ərdoğan yazıb.
Türkiyə lideri şəhid olanların xatirəsini ehtiramla yad edib, qazilərə uzun ömür arzulayıb.
2016-cı il iyulun 15-dən 16-na keçən gecə Türkiyə Silahlı Qüvvələrinin Güləndən ibarət bir qrup hərbi qulluqçusu ölkədə hakimiyyəti silahlı şəkildə ələ keçirməyə cəhd göstərib.
Xuntanın əməlləri ölkə rəhbərliyinin və hüquq-mühafizə orqanlarının, eləcə də sadə vətəndaşların fəaliyyəti sayəsində qətiyyətlə yatırıldı. Həmin faciəli gündə 251 nəfər həlak olub.
Terrorçuların lideri Fətullah Gülən Pensilvaniyada yaşayır. Türkiyə ABŞ-dan onun ekstradisiyasını istəyir.
