Human Rights Watch (HRW) X sosial platforma hesabındakı paylaşımında qeyd edib ki, İsrailin Qəzza zolağının blokadası fələstinli uşaqları və digər mülki insanları böyük risk altında qoyur.

Açıqlamada İsrailin oktyabrın 11-də Qəzzaya su verilişini kəsdiyi, 600 min insanı təmiz sudan məhrum etdiyi, su, yanacaq və elektrikə buraxılmamasının insanların həyatını təhlükəyə atdığı bildirilib.

Açıqlamada İsrailin Qəzzanı qeyri-qanuni blokadaya almasının uşaqlar üçün ölümcül olduğu qeyd edilib.

İsrailin energetika naziri Yisrael Katz oktyabrın 10-da verdiyi açıqlamada təxminən 2 milyon fələstinlinin yaşadığı Qəzza zolağına su axınının kəsildiyini bildirib.