DİGƏR XƏBƏRLƏR
MENYU
"Psixoloji yardım özəl tibb fəaliyyəti üzrə lisenziyalaşdırılan xidmətlərə aid olmadığından bu müəssisələrə nəzarət Analitik Ekspertiza Mərkəzinin səlahiyyət çərçivəsinə daxil deyil".
Bu barədə Səhiyyə Nazirliyinin Analitik Ekspertiza Mərkəzi Musavat.com-un sorğusuna cavabında bildirib.
Qeyd edilir ki, "Psixoloji yardım haqqında” Azərbaycan Respublikasının Qanununa uyğun olaraq psixoloji yardım mövcud tələblər nəzərə alınmaqla psixoloji yardım göstərmək hüququ olan şəxslər yəni, psixoloq və ya klinik (tibbi) psixoloq tərəfindən göstərilir:
"Psixoloq – psixoloq ixtisası üzrə ali təhsil alan və ya “Təhsil haqqında” Azərbaycan Respublikasının Qanununa uyğun olaraq əlavə təhsil alma formasında psixoloq ixtisasını əldə edən və psixoloji yardım göstərmək hüququ olan şəxsdir. Klinik (tibbi) psixoloq – təhsili klinik (tibbi) psixologiya üzrə magistr dərəcəsindən aşağı olmayan və ixtisası üzrə ən azı bir il iş təcrübəsi olan və tibb müəssisələrində psixoloji yardım göstərmək hüququ olan şəxslərdir".
Qeyd edək ki, psixoloq xidməti təklif edənlərin əksərinin ali təhsili yoxdur, 3-6 aylıq kurslar keçib, sertifikatla bu xidməti göstərirlər. Nəticədə isə psixoloji yardıma gedənlər daha aqressiv duruma düşür, cəmiyyətə mənfi mesajlar ötürülür.
