DİGƏR XƏBƏRLƏR
MENYU
Polis tanınmış futbolçu Tyemue Bakayokonun avtomobilini yoxlamaq üçün saxlayıb.
AZİNFORM.AZ xəbər verir ki, hadisə İtaliyanın Milan şəhərində baş verib. Maşını tərk etmək məcburiyyətində qalan 27 yaşlı yarımmüdafiəçinin üzərində axtarış aparılıb.
Hətta asayiş keşikçilərindən biri silahı onun avtomobilinə tuşlayıb. Lakin az sonra digər polis futbolçunu yoxlayan şəxsə yaxınlaşaraq ona nəyisə izah edib.
Həmkarının sözlərindən təəccüblənən asayiş keşikçisi Bakayokonu buraxıb. Sonradan məlum olub ki, polis Bakayokonu tanımayıb və onu şəhərdə baş verən atışma səbəbi ilə axtarışda olanlardan biri ilə səhv salıb.
Qeyd edək ki, fransalı futbolçu 2017-ci ildən “Çelsi” klubuna məxsusdur. İcarə əsasında “Milan”, “Monako”, “Napoli” kimi komandalarda top qovan oyunçu ötən ili də “rossoneri”lərlə keçirib və A Seriyasında çempion olub.
