DİGƏR XƏBƏRLƏR
MENYU
“Konkret nəticələr əldə olunmayıb”. Bunu Gürcüstanın xarici işlər naziri İlya Darçiaşvili Tbilisidə keçirilən Ermənistan-Azərbaycan görüşünü şərh edərkən deyib.
Onlara bir raundda nail olmaq olmaz, - İlya Darçiaşvili Birinci Kanala müsahibəsində bildirib.
“Lakin xarici işlər nazirləri arasında birbaşa dialoq üçün presedent yaradılıb. Gələcək təmasların şərtləri də dəqiqləşdirilməyib”, - deyə nazir əlavə edib.
Xatırladaq ki, iyulun 16-da Gürcüstanın paytaxtı Tbilisidə Azərbaycan və Ermənistan xarici işlər nazirləri Ceyhun Bayramov və Ararat Mirzoyanın ilk ikitərəfli görüşü baş tutub.
Azərbaycan Xarici İşlər Nazirliyinin bəyanatında deyilir ki, iki ölkənin nazirləri Azərbaycan və Ermənistan arasında münasibətlərin normallaşması ilə bağlı bir sıra məsələlərə toxunublar. Bununla bağlı tərəflər öhdəliklərinin yerinə yetirilməsi ilə bağlı müzakirələr aparıb, gələcək mümkün addımlar barədə fikir mübadiləsi aparıblar.
