DİGƏR XƏBƏRLƏR
MENYU
Gənc Tamaşaçılar Teatrının aktrisa Simuzər Ağakişiyeva qazi Kamran Baxışzadə ilə bağlı paylaşım edib.
AZİNFORM.AZ xəbər verir ki, aktrisa sosial şəbəkədə bunları yazıb:
“Bu gün qazi Kamran Bəxşizadənin doğum günüdür.
Kamran 44 günlük Qarabağ savaşında doğum günündə ölümcül yaralanır və ikinci dəfə doğulur sanki.
Vətənimin igid oğlu Allah səndən möcuzəsini əsirgəməsin. Uf demədən gözlərinin nurunu qurban verdin. Var ol, sən gələcək nəsillərə örnəksən...
Çox yaşa, sağlam yaşa, dualarımızdasan, səninlə fəxr edirik!”
Qeyd edək ki, Xızı rayonunda yaşayan Kamran Baxışzadə müharibənin ilk günlərindən döyüşlərə yollanıb. Bir çox kənd və qəsəbələrin işğaldan azad olunması uğrunda silahdaşları ilə birgə mərdliklə döyüşüb. Oktyabrın 14-də Suqovuşan istiqamətində gedən döyüşdə düşmənin atdığı mərminin yaxınlığında partlaması nəticəsində yaralanaraq, hər iki gözünü itirib.
