AZİNFORM.AZ bildirir ki, qış aylarında bir neçə sadə tədbir görərək dərinizi soyuq havanın zərərlərindən qoruya bilərsiniz.

Qış aylarında soyuq havalar dərinizi daha da quruda bilər. Buna görə də dərinizi hər gün təmizlədikdən sonra bol nəmləndirici istifadə etmək vacibdir. Bu, dərinizi xarici amillərə qarşı gücləndirir və quruluğun qarşısını alır. Dərinizin tipinə uyğun nəmləndirici seçməyi unutmayın.

Dərinizi günəş şüalarından təkcə yayda deyil, qışda da qorumaq vacibdir. Günəş şüaları dərini qıcıqlandıra və ləkələrə səbəb ola bilər. Çölə çıxmadan ən az 30 dəqiqə əvvəl günəşdən qoruyucu istifadə edərək dərinizi qoruyun.

Göz ətrafı dərinin ən həssas bölgəsidir. Bu bölgə daha zəif dəri baryerinə malikdir. Qış aylarında bu sahəyə əlavə diqqət yetirmək vacibdir. Göz ətrafına qulluq üçün uyğun məhsullardan istifadə edərək qırışların və incə xəttlərin qarşısını ala bilərsiniz.

Qış ayları günəşin təsirinin daha az olduğu və dəri problemlərinin müalicəsi üçün ideal bir dövrdür. Sızanaqlar, qara nöqtələr, ləkələr və ya qırışlar kimi problemlər üçün mütəxəssis dəstəyi ala bilərsiniz. Məsələn, lazer tətbiqləri və ya dəri dərmanları ilə bu problemləri həll edə bilərsiniz.

AZİNFORM.AZ