DİGƏR XƏBƏRLƏR
MENYU
“İlk dərsim bu olur ki, xanımlığınızın qədrini bilin”
“Opera səhnəsi ən çətin səhnədir. Birinci çətinliyi odur ki, sən canlı oxumalısan və bütün tamaşaçılar səni eşitməlidir. Ritmdən çıxmamaq şərtilə həm obrazı yaratmalısan, həm də muğamları oxumalısan. 300 dəfədən çox Leyli obrazını oynamışam. Mən teatra dinləmə yolu ilə gəlmişdim. Səhnədə də Rübabə Muradova, Zeynəb Xanlarova, Nəzakət Məmmədova kimi böyük sənətkarlar var idi. Bunun özü insandan böyük cəsarət tələb edirdi. Bu taleyin işidir, Allahın səni harada görmək istəməsidir. 6 ay ərzində Leyli obrazını hazırladım və uğurla çıxış etdim”
AZİNFORM.AZ xəbər verir ki, bunu moderator.az-a açıqlamasında xalq artisti, “Şöhrət” ordenli sənətkar Səkinə İsmayılova deyib. O daha sonra əlavə edib.
“Bu gün də teatrda çox gənclərimiz var. Məndən sonra da teatra silsilə olarq Leylilər gəldi. Amma təbii ki, onların içində tarixləşən, tamaşaçının yaddaşında qalan Leylilər də oldu. Tələbat olmasaydı, tamaşaçı məni qəbul etməsəydi 30 il müddətində bəlkə də səhnədə qala bilməzdim. Hər birimizin borcudur ki, biz Azərbaycan musiqi dünyasına nəsə töhfə verək, iz qoyaq. Teatr səhnəsi məni o qədər püxtələşdirdi ki, mən dünyanın heç bir səhnəsində həyəcan keçirmədim, qorxu yaşamadım. Dünyanın 50-yə yaxın ölkəsində qastrol səfərlərində olmuşam. Bu gün də çalışıram ki, sənətim üçün nələrsə edim” deyə sənətkar bildirib.
Səkinə İsmayılova tələbələrindən də danışıb.
“Xanım tələbələrimə hər zaman deyirəm ki, xanımlığınızın qədrini bilin. Hər bir şey evdən, kökdən, valideyndən gəlir. Tərbiyə ordan başlayır. Hər bir valideyn istəyir ki, övladı xoşbəxt olsun. Qızlara birinci dərsim bu olur. Valideynləri gəlib deyir ki, sizə görə qızımı bu sənətə qoymuşam. İstəyirəm ki, qızımın həm ailəsi olsun, həm də sənəti” deyə sənətkar bildirib.
AZİNFORM.AZ
