Azinform.az bildirir ki, indi mobil telefonlar yaşlı-kiçik hər kəsin əlindədir və hər yerdə bizimlə gəlir. İş o yerə çatıb ki, biz tualetə gedəndə belə, asılılığa çevrilmiş mobil telefonlarımızı özümüzlə aparırıq. Halbuki bu, özümüzə etdiyimiz ən böyük pisliklərdən biridir...

2019-cu ildə aparılan bir araşdırma Böyük Britaniyada yaşayan insanların yüzdə 57-nin tualetə telefonları ilə getdiyini ortaya qoydu. Başqa bir araşdırma sübut etdi ki, hər 4 amerikalıdan 3-ü telefonunu tualetdə istifadə edir. Belə ki, bu araşdırmanın nəticələri göstərdiyi kimi, mobil telefonlar tualet oturacaqlarından qat-qat çirklidir. Bu, bir çox sağlamlıq problemlərinin əlamətidir.

İnsanların telefonlarına gündə yüzlərlə, hətta minlərlə dəfə toxunduğu düşünülür. Bir çox insanlar tualetə getdikdən, yemək bişirdikdən və ya təmizlik etdikdən sonra əllərini yumağı unutmasalar da, telefona toxunduqdan sonra əllərini yumağa laqeyd yanaşırlar. Ancaq telefonların tərkibində nə qədər mikrob olduğunu nəzərə alsaq, mobil telefonun gigiyenasına daha çox diqqət yetirilməli olduğu aydın olur.

Əllərimiz həmişə bakteriya və virusları toplayan və infeksiyaya ən çox meyilli orqanlardır. Bu səbəbdən toxunduğumuz telefonların gigiyena və istifadə sahələri də çox önəmlidir. Bir çox araşdırmalar göstərir ki, telefonlar müxtəlif növ patogen bakteriyalarla çirklənə bilər.

Bütün bunların nəticəsi olaraq telefonlarımızı mütəmadi olaraq təmizləməyin vacibliyi ortaya çıxır. Federal Rabitə Komissiyası da tövsiyə edir ki, telefonlarımızı və digər elektron cihazlarımızı hər gün təmizləmək. Çünki zərərli viruslar sərt plastik səthlərdə uzun müddət yaşaya bilir.

Cib telefonunuzu və digər elektron cihazları təmizləmək üçün spirt əsaslı salfetlərdən və ya spreydən istifadə edə bilərsiniz. Telefon qutularını və toxunma ekranlarını dezinfeksiya etmək üçün minimum 70 faiz spirt olan məhsuldan istifadə etməli və bu təmizliyi hər gün etməlisiniz.

AZİNFORM.AZ