DİGƏR XƏBƏRLƏR
MENYU
"Qarabağ"ın ispaniyalı legioneri Qaspar Panadero qəribə addımla yadda qalıb.
Əcnəbi oyunçu Çempionlar Liqasının birinci təsnifat mərhəsinin "Linkoln"la cavab görüşündən (4:0) əvvəl rəqib düşərgəyə baş çəkib.
23 yaşlı vinger Cəbəllütariq çempionun Bakıda məskunlaşdığı "Rich otel"ə gedib.
Qonaqların heyətində yer alan iki tanışı - Mandi və Nano ilə görüşüb.
O, hər iki həmyerlisi ilə çəkdirdiyi fotonu oyun günü sosial şəbəkə hesabından "Futboldakı dostlarım, sizi görmək nə qədər xoş oldu" başlığı altında paylaşıb.
Qaspar adıçəkilən futbolçularla 2017/18 mövsümü "Almeriya"da birgə oynayıb.
Köhnə dostları görmək, yad etmək qəbahət deyil.
Amma çörəyini yediyin, pullarına ölkəndə kef çəkdiyin kluba uğur arzulamamaq, qələbəsinə sevinməmək fonunda bunu etmək böyük qəbahətdir.
Qaspar nə oyundan əvvəl, nə də sonra "Qarabağ"ın oyunu ilə bağlı heç bir post paylaşmayıb.
Amma dostlarına qonaq olmağı, onlara uğur arzulamağı izləyiciləri ilə bəh-bəhlə bölüşüb.
Bu da bir ispanın məxsus olduğu evinə qoyduğu hörmət...
Vinger 2022-ci ildən "Qarabağ"ın şərəfin qoruyur. Əgər buna qorumaq demək olarsa.
Ötən yaydan əvəzedici komandaya göndərilən ispaniyalı ona kimi cəmi 4 matçda "Qarabağ" forması geyinib. Onunla müqavilə 2024-cü ilin yayına qədərdir. /sportinfo/
.
