MENYU
"Bəzən hər şeyi doğru edirsən, amma qol vurmaq alınmır".
AZİNFORM.AZ xəbər verir ki, bunu "Qarabağ"ın yarımmüdafiəçisi Kadi Borges UEFA Avropa Liqasının qrup mərhələsinin VI turunun "Frayburq"la (Almaniya) oyunundan sonra jurnalistlərə açıqlamasında deyib.
"Bilmirəm bunu necə izah edim. Bəlkə texniki səbəblərə görə alınmır, bəlkə bəxtim gətirmir. Bunu sözlə ifadə edə bilməyəcəm. Oyun zamanı bəzən olur ki, yanlış qərar verirsən, amma bu, yekunda qolla nəticələnir. Bəzən isə əksinə olur. Tək çıxış yolu çoxlu işləməkdir".
Borges "Frayburq"la oyunda çox qol şansları əldə etdiklərini deyib: "Bugünkü görüş haqqında onu deyə bilərəm ki, belə matçların taleyini detallar həll edir. Çoxlu qol vəziyyətləri yaratsaq da, təəssüf ki, bunlardan istifadə edə bilmədik. Rəqib isə əlinə düşən şansdan yararlandı. Reallıq budur ki, biz Konfrans Liqasında oynayacağıq. Gözləyəcəyik ki, görək, bəxtimizə hansı komanda çıxacaq. Ona uyğun hazırlaşacağıq". /metbuat.az/
