Dələduzluq və çirkli pulların yuyulması ittihamı ilə həbs edilən Nihal Candanın 4 ay əvvəl iş adamı Mehmet Faruk Çiçəklə gizli toyda evləndiyi məlum olub.

Dilan-Engin Polat cütlüyünün ardından Nihal və Bahar Candan bacıları "cinayət təşkilatına üzv olmaq və cinayət yolu ilə əldə edilən gəlirləri yumaq" ittihamı ilə həbs olunublar.

AZİNFORM.AZ bildirir ki, jurnalist Emrullah Erdinç, "Nihal həbsxanada davamlı olaraq ağlayarkən, Bahar Candanın daha aqressiv bir rəftar göstərdiyini və həbsxana mühafizəçiləri ilə tez-tez mübahisə etdiyini öyrəndim" dedi. 

Bu gözlənilməz həbsdən sonra Nihal Candanın keçmişi ilə bağlı məlumatlar yenidən gündəmə gəlib. Məlum olub ki, “My Style” yarışması ilə tanınan Nihal Candan ailə qurub.

İyulun 28-də Mehmet Faruk Çiçəklə evlənən Nihal Candanın toy görüntüləri də ortaya çıxıb. Valideynlərinin nikah şahidi olacağı təsbit edilən Nihal Candanın bütün evlilik prosesi boyunca bu vəziyyəti paylaşmadığı görülüb.

Nihal Candanın əri Mehmet Faruk Çiçək həbs müddətindən sonra sərbəst buraxılıb və bir daha görünməyib. Çiçəyin həyat yoldaşı Nihal Candanı tək qoyduğu bildirilib.