4 nəfəri öldürməkdə şübhəli bilinən şəxs həbs olundu
5-12-2022, 11:48
Azinform.Az - Azerbaycanin informasiya Merkezi

Beyləqanda bir ailənin 4 üzvünü qətlə yetirməkdə təqsirləndirilən Fuad Cəlilzadənin barəsində 4 ay müddətinə həbs qətimkan tədbiri seçilib.

AZİNFORM.AZ xəbər verir ki, bu barədə Beyləqan rayon məhkəməsində istintaq orqanının təqdimatına baxılıb. Məhkəmə təqdimatı təmin edib və F. Cəlilzadə barədə 4 ay həbs qəti imkan tədbiri seçib.

Məlumatı Trend-ə Baş Prokurorluğun Mətbuat Xidməti təsdiqləyib.

Xatırladaq ki, dekabrın 2-də Beyləqan rayon sakini F.Cəlilzadə aralarında baş vermiş mübahisə nəticəsində qonşuları - 1971-ci il təvəllüdlü Tərgül Quliyevanı, onun həyat yoldaşı, 1966-cı il təvəllüdlü Nadir Quliyevi evində, oğlanları - 1996-cı il təvəllüdlü Amin Quluzadəni və 2002-ci il təvəllüdlü Xəyal Quluzadəni isə qəbirstanlıqda güllələyərək qətlə yetirib.

Onun barəsində Cinayət Məcəlləsinin 120.2.7-ci (iki və ya daha çox şəxsi öldürmə) maddəsi ilə ittiham irəli sürülüb.

F.Cəlilzadə şübhəli şəxs qismində saxlanılıb.





up