DİGƏR XƏBƏRLƏR
MENYU
Bu gün, avqustun 4-də naməlum radikal dini qruplar Azərbaycanın Londondakı səfirliyini ələ keçirib. Dini fanatiklər səfirliyin binasına soxularaq yollarına çıxan hər şeyə od və qılınc basıblar. Dəlilər Azərbaycanın dövlət bayrağını endirərək, dini plakatlar asıblar.
AZINFORM.AZ xəbər verir ki, Britaniya polisinin müdaxiləsi azərbaycanlı diplomatları xilas edib. Ekstremistlər binadan çıxarılaraq saxlanılıblar.
Azərbaycan Xarici İşlər Nazirliyi təcili bəyanatla çıxış edərək, Azərbaycan diplomatik missiyasının saxtakarlıqla ələ keçirilməsini pisləyib. “Səfirliyin ələ keçirilməsi və Azərbaycan diplomatlarının üzərindən gələn təhlükə Vyana Konvensiyasının kobud şəkildə pozulmasıdır”, - bəyanatda deyilir.
Diplomatik mənbələrdən “Azeri Daily”yə verilən məlumata görə, ilkin məlumatlara görə, dini qrup şiə dövlətlərindən birinin xüsusi xidmət orqanlarının təsiri altında dəhşətli vandalizm aktı törədib.
Daha sonra məlum olub ki, hücuma görə məsuliyyəti şiə ekstremist təşkilatı olan Mehdi Qulları Birliyi öz üzərinə götürüb. Təşkilat son vaxtlar Londonda yaşayan Küveytdən olan şiə din xadimləri tərəfindən yaradılıb.
Azərbaycanın Londondakı səfirliyindən Azeri Daily-yə verilən məlumata görə, səfirliyin binasında dövlət bayrağı və dövlət atributları bərpa edilib.
Haqqin.az bu səs-küylü siyasi cinayətə qayıdacaq.
