Ermənistan həmişə sığındığı, himayəsində olduğu dövlətlərə dar məqamda xəyanət edib. Son 200 ildə baş verənlər bunu bir daha təsdiqləyir. Onların Osmanlıya, Qacarlara, Çar Rusiyasına etdiyi xəyanət tarixin yaddaşındadır və təəssüf ki, bu gün də davam etməkdədir. Son iki ildə Ermənistanın baş naziri Nikol Paşinyanın əməllərinə və addımlarına diqqət yetirmək kifayət edir.
Müttəfiqə xəyanət, qonşunun torpaqlarına iddia edən, yalanlar uyduqmaqda mahir olan Ermənistan bu idelogiyanın daşıyıcısı kimi Qərblə Rusiya arasında əsl üzünü də göstərir. Paşinyan hakimiyyəti arxasını yenidən Rusiyaya çevirərək Qərb ölkələrinin qapılarında gəzir. Onun çıxışlarından birini yada salaq: 2021-ci il aprelin 7-də Nikol Paşinyan Moskvada Rusiya Prezidenti Vladimir Putinlə görüşdə RF ilə münasibət Ermənistan hökuməti üçün prioritet olub. Ölkələrimiz arasında müttəfiqlik münasibəti qarşılıqlı etimad və xalqlarımız arasında çoxəsrilik dostluq əlaqələri əsasında inkişaf edəcək" dedi.
Digər tərəfdən isə məğlubiyyətlə barışmaq istəməyən Nikol Paşinyan vəziyyəti müzakirə etmək üçün Fransaya üz tutdu. Rəsmi Parisdən dəstək almaq, və müzakirələrə onu da cəlb etməklə Rusiyaya arxadan zərbə vurdu. Politoloq İlyas Hüseynov bildirdi ki, Paşinyan hər zaman Rusiyaya qarşı ikili siyasət yürüdüb.
Paşinyan Rusiya-Ukrayna müharibəsində Kremli müdafiə edirmiş kimi görsənməyə çalışsa da, fürsət düşdükcə gizlicə Qərblə danışıqlar aparır. 2022-ci il martın 9-da Fransaya səfəri bunun bariz nümunəsidir. Fransanın da daxil olduğu Qərb bloku ilə Rusiya arasında mövcud gərginlik fonunda Nikol Paşinyanın Parisə səfəri ilə bağlı Ermənistanın “Qraparak” qəzeti məqalə yazdı. "Rəsmi İrəvan Avropa və ABŞ-la gizli danışıqlar apardığı üçün Rusiya haqlı olaraq Ermənistanın antirusiya davranışından narahatdır. Çünki Ermənistanda antiRusiya təbliğatı himayə edilir. Hakimiyyət nümayəndələri də antiRusiya baxışları sərgiləyirlər. Rəsmi Moskva Paşiyanın ikili oyunlarına dözməyəcək. Çox güman ki, bu, cavabsız qalmayacaq. N.Paşinyandan bu davranışla bağlı hesabat istəniləcək" deyə nəşrdə bildirildi.
Əslində Ermənistan Rusiya-Ukrayna müharibəsindən istifadə edərək müttəfiqi olan Moskvanı nəzərə almadan öz maraqlarını təmin etməyə başlaması təəccüb doğurmur. Çünki Paşiyanın başçılıq etdiyi komanda üzvlərinin çoxu vaxtı ilə Qərbin maliyyə dəstəyi, qrantları ilə antirusiya çıxışları edib. Həmin qüvvələr bu pullarla Azərbaycana qarşı ərazi iddiaları irəli sürüblər.
Ümumiyyətlə, hakimiyyətə gəldiyi ilk gündən Qərbyönümlü siyasəti ilə diqqət çəkən Paşinyan çətinliklə üzləşəndə onu hər dəfə Rusiya, şəxsən prezident Vladimir Putin xilas edib. Amma Paşinyan yenə Rusiyaya xəyanət yolu tutur. Heç vaxt sözü ilə əməli üst-üstə düşməyən baş nazir qeyri-ciddi çıxışları və obrazı ilə siyasət meydanında da hər zaman biabır olub.
Erməni psixoloq Anna Qalstyan Nikol Paşinyanın Vladimir Putinlə görüşünün psixoloji vəziyyətini, jestlərini və danışıq tərzini təhlil edib. Bildirib ki, Paşinyanın davrnışları özünəinamsızlıq kimi şərh edilir. O, masaya əyləşdiyi andan etibarən öz mövqeyində olmadığını göstərir, özünə xəyanət edir. Bütün çıxış boyu gərgin görünür, narahat hərəkətlər edir, sıxılır, anlaşılmaz səslər çıxarır, bu o demək olar ki, mövzu ətrafında danışmaqdan narahatdır, həmin danışıqların məzmunu özünü doğrultmayıb.
Deməli, həm psixoloji göstəricilərinə, həm də yürütdüyü siyasətə görə, Rusiyaya açıq-aşkar xəyanət edən Putinə qarşı qəti addımlar atmalıdır. Kreml artıq qəbul etməlidir ki, dəstək verdiyi Ermənistandan onlara dost olmaz. Rusiya uzun illər bu dövləti yaşatmaq üçün hər şey etdi. Gümrüdə hərbi bazasının olmasından istifadə edən Ermənistan Rusiyadan hərbi baxımdan da yararlandı. Amma sonda bütün dövlət və toplumlara etdiyi xəyanəti Rusiyaya da etdi. Elə ötən gün Paşinyan Şanxay Əməkdaşlq Sammitinə qatılmamaqla Rusiyaya, konkret olaraq Putnə arxa çevirdi.
