DİGƏR XƏBƏRLƏR
MENYU
"Əhməd Kadırovun toy korteji şahidləri xüsusi dəbdəbəsilə heyrətə gətirib..."
"Ramzan Kadırov həmin gün Çeçenistanda nikah bağlayan hər kəsə 100 min rubl hədiyyə vəd edib..."
Timati Kadırovun 17 yaşlı oğlunun toyundan video paylaşıb
Çeçenistanda prezident Ramzan Kadırovun 17 yaşlı oğlunun toy mərasimi baş tutub. Rusiyalı müğənni Timati 87 elit avtomobildən ibarət olan toy kortejinin videosunu sosial şəbəkələrdə paylaşıb.
AZİNFORM.AZ xəbər verir ki, bu barədə "Arbat.media" nəşri məlumat yayıb.
Qeyd edilir ki, Çeçenistan rəhbərinin oğlunun toy mərasimindən çəkilişlər qəti qadağan edilib. Buna baxmayaraq, sosial şəbəkələrdə bəzi videoçarxlar peyda olub. Onlardan birini Ramzan Kadırovun dostu, ifaçı Timati yerləşdirib.
Çeçenistanın yüksək vəzifəli məmurlarının ailə üzvlərinin təntənəli mərasimləri həmişə geniş vüsətlə keçir. Lakin Kadırovun oğlunun toy korteji şahidləri xüsusi dəbdəbəsilə heyrətə gətirib.
Videodan göründüyü kimi, bayram karvanını 87 maşın, "Bugatti" və "Rolls-Royce" kimi premium-sinifdən olan avtomaşınlar təşkil edib. Müşayiət edənlər arasında on bir polis avtomobili də premium-sinifli xarici maşınlar olub.
Kadırovun 17 yaşlı oğlunun toyunun dəqiq tarixi rəsmən elan edilməyib. Lakin martın 4-də respublika rəhbəri Ramzan Kadırov "Telegram-kanal"ında məlumat verib ki, oğlunun prezident Putinlə qeyri-formal görüşü baş tutub və Rusiya rəhbəri Əhmədi qarşıdakı toy mərasimi ilə əlaqədar təbrik edib.
Qeyd edək ki, Rusiya qanunvericiliyinə görə, nikahın bağlanması 18 yaşdan mümkündür. Yalnız üzürlü səbəblərdən istisnalar nəzərdə tutulub.
KİV-lər yazır ki, Ramzan Kadırov həmin gün Çeçenistanda nikah bağlayanların hər birinə 100 min rubl (1300 $) hədiyyə vəd edib.
Xəbər verilir ki, Ramzan Kadırovun oğlu 8 yaşından Quranı əzbər bilir, qaydasız döyüşlərdə iştirak edir, Çeçenistanda onun adına idman kompleksi var, həmçinin o, guya, Ukraynada müharibədə iştirak edib. /moderator.az/
