DİGƏR XƏBƏRLƏR
MENYU
İngiltərədə gənc yaşlarında öz qardaşı tərəfindən təcavüzə məruz qalan 21 yaşlı Aoife Farrellynin başına gələnlər İngiltərədə gündəm olub. Gənc qadın yaşadığı dəhşətli hadisəni danışarkən, ailəsinin bu vəziyyətə göz yumduğunu iddia edib. Onu susmağa razı salmağa çalışdıqlarını bildirən Aoife ailəsindən də şikayətçi olduğunu qeyd edib.
AZİNFORM.AZ sfera.az-a istinadən xəbər verir ki, İngiltərənin Aberdin şəhərində yaşayan Aoife Farrelli hekayəsi Britaniya mətbuatının gündəminə çevrilib. Hazırda 21 yaşlı gənc qadın 6 yaşında 15 yaşlı qardaşı tərəfindən dəfələrlə cinsi istismara məruz qaldığını açıqlayıb.
30 yaşlı qardaşı Cian Farrelly həbs olunduqdan sonra sakitliyini pozan Farrelli ilk dəfə hekayəsini mətbuatla bölüşüb. Bu arada, bir müddət əvvəl yenidən mühakimə olunan böyük qardaşın 4,5 il müddətinə azadlıqdan məhrum edildiyi açıqlanıb.
Farrelli səkkiz yaşında olarkən qardaşının zorakılığını ailəsinə ilk dəfə açıqladığını və onun tutulması üçün 2020-ci ildə polisə müraciət etdiyini bildirib.
Polisə getmək istəyən qız vəziyyəti ailəsi ilə bölüşdükdən sonra onu fikrindən daşındırmağa çalışdıqlarını bildirib. Valideynləri ilə əlaqələrini tamamilə kəsdiyini bildirən Farrelli "Mən onlara qarşı kin saxlamıram" deyib.
Ətraflı
Farrelli, yaşadıqlarından sonra 20 yaşına qədər qardaşı ilə bir evi bölüşmək məcburiyyətində qaldığını, buna görə də yemək problemi ilə mübarizə apardığını, özünə zərər verdiyini və panik atak keçirdiyini açıqlayıb.
"O evdə heç bir otaq təhlükəsiz deyildi".
Lakin 2020-ci ilin mart ayında yeni psixoterapevtlə görüşdükdən sonra Farrelli qardaşından şikayət etmək qərarına gəlib. O, valideynlərinin vəziyyəti "nə də yaşansa, sənin qardaşındır” sözləri ilə müdafiə etdiklərini və "həbsxanaya düşəndə bilirsən nə olacaq?” sözlərini təlqin etdiklərini deyib.
