MENYU
Ermənilərin Ağdamın Sarcalı kəndini işğal dönəmində tamamilə xarabalığa çevirdiyi və bütün torpaq sahəsini minaladığı barədə də məlumat verilib. Bildirilib ki, Ağdam işğaldan azad olunandan dərhal sonra bu cür tarixi abilərdə, məscidlərdə təmir-bərpa işlərinə başlanılıb.
Qeyd edək ki, dünyanın ən nəhəng 4 səyyah klubundan biri olan ABŞ-ın MTP (Most Travelled People) klubunun təsisçisi Charles Veleyin başçılıq etdiyi nümayəndə heyəti Ağdamdan öncə Şuşa şəhərində də olublar.
Səfər çərçivəsində nümayəndə heyətinə Ermənistan silahlı qüvvələrinin işğal zamanı Ağdam şəhərində törətdiyi vəhşiliklərlə bağlı məlumat verilib. Səyyahlar Ağdam işğaldan azad edildikdən sonra Azərbaycan dövləti tərəfindən aparılan tikinti-quruculuq işləri ilə tanış olublar.
Azərbaycan Respublikanı Prezidentinin xüsusi nümayəndəliyinin əməkdaşı tərəfindən qonaqlara Pənahəli Xan İmarət Kompleksi, Ağdam Cümə məscidi və Şəhidlər xiyabanı barədə məlumat verilib.
Beynəlxalq səyyahların Ağdama səfəri başa çatıb.
Qeyd edək ki, nümayəndə heyəti sabah Füzuli və Xocavənd rayonlarına səfər edəcək.
