14 may aksiyası nə ilə yadda qaldı?
14-05-2022, 18:37

“İctimai fəallar”ın Bakının mərkəzində təşkil etdiyi aksiya ilə bağlı aparılan geniş kampaniyaya, sosial şəbəkələrdə çox ciddi ajiotaj yaradılmasına baxmayaraq, nəticə həmişəki kimi oldu. Belə ki, “ictimai fəalların aksiyası” adı altındakı mitinq cəmiyyətə həm də radikal müxalifətin durumi barədə növbəti ən obyektiv arayışı təqdim etdi. 

Və aydın oldu ki, vəziyyət bu şəxslərin öz feysbuk və onların tərəfdarlarının idarə etdikləri virtual məkanda təsvir olunan kimi deyil. Nə sosial baza artıb, nə də iddia edildiyi kimi sosial  təbəqələr hakimiyyətin əleyhidarına çevrilib. 14 may aksiyası bütövlükdə müxalifətin, hakimiyyətdən narazı kəsimin sosial bazasının hansı səviyyədə olmasını hamıya sərgiləməkdən o yana keçə bilmədi.

Aksiyanın əsas məqsədinin yeni anti-Azərbaycan kampaniyası başlatmaq, ABŞ-ın NED təşkilatının ayırdığı qrantlara tələsik sahiblənmək niyyətinə xidmət etdiyi barədə öncədən mətbuatda yayılan məlumatların təsadüfi olmadığı da təsdiqləndi. ABŞ-ın nəzarətində olan “VoA” və “Azadlıq” radiolarının geniş təbliğat aparmaları da bunu isbatlayan növbəti faktlardan biri idi.  Bir növ bu radiolar “Sputnik”in bir müddət öncə Qazaxstanda baş verən olaylarda oynadığı misiyanı oynamağa çalışdılar... 

Şəhərin mərkəzində qarışıqlıq yaratmağı hədəfləyən aksiyaya cəmiyyət dəstək vermədi və eyni simaların eyni şüarları ilə müşahidə olunan aksiya əsasən aşağıdakılarla yadda qaldı:

- LGBT-nin bayrağı daha çox diqqəti cəlb etdi və bütün aksiya boyu “Petuxlar mafiya sistemə qarşı” kimi şüarlar qaldırıldı;

- Polis çox etik və qanunlar çərçivəsində davransa və heç bir zorakılığa yol verilməsə də süni şəkildə qarışıqlıq yaratmağa cəhdlər olundu. Aksiyanın bəyanatı səslənəndən sonra dağılışmamaq, hər vəchlə qarşıdurma yaratmaq üçün müxtəlif yollara əl atıldı;

- Aksiyada səslənən radikal şüarlar bu şəxslərin qərəzli, xaosa meylli bir qüvvə olduğunu yenidən sübuta yetirdi. Guya fəallara qarşı edilən təzyiqlərə son verilməsi adı ilə təşkil olunan aksiyada başqa şüarların, qarşıdurmaya meyilli hərəkətlər bu tələbi arxa plana keçirdi;

- Aksiyaya heç bir yeni ziyalı, cəmiyyətdə tanınan şəxs qatılmadı və bir qrup insanın emosiyası təsir gücünə çevrilmədi, son illərdəki aksiyalardan fərqli olmadı, maraqsız, zövqsüz bir əyləncə kimi yadda qaldı;

- İştirakçıların çoxu yenə də özlərini jurnalist kimi göstərən, müxtəlif rəngli gödəkçələr geyinmiş şəxslər oldu. 

Beləliklə, bir daha isbat olundu ki, bəlli çevrələrin idarə etdiyi adamların sosial şəbəkələrdə yalan, böhtan üzərində qurulan çalışması hakimiyyətə qarşı sosial bazanı genişləndimək, rəğbət yaratmaq iqtidarında deyil.  Və ictimai rəyin qarşısına nə çür çıxırlarsa-çıxsınlar cəmiyyətin etimadını qazanmaq imkanları mümkünsüzdür.  /demokrat.az/


 AZİNFORM.AZ





up