DİGƏR XƏBƏRLƏR
MENYU
Xalq artisti Röya Ayxan OLAY-ın suallarını cavablandırıb:
Gənc müğənni Nuranın klip təqdimatına qatılan Xalq artisti şou-biznesdə karyera qurmaq üçün dəstəyin vacibliyini vurğulayıb:
“Tək öz adıma danışmayacağam, ümumiyyətlə, xalq olaraq hər kəsin yanında olan adamlarıq. Bəlkə, birini sevmərik deyə yanında olmarıq, amma mütləq dostumuza dəstək olacağıq. Ümumiyyətlə, bir-birimizin yanında olmaq üçün yaranmışıq. Ona görə də, düşünürəm ki, bu, təsadüf deyil! Mən Nurana qismət olmuşam, o da mənə. Sizə isə başqası qismət olar. Səni kiminsə dəstəkləməyi mütləq lazımdır. Məni hər zaman irəli aparan birinci Vaqif Gərayzadə, sonra isə Xalq artistləri olub”.
Estrada ulduzu deyir ki, indiyə qədər onu mahnı oxumağa ən çox muğam ifaçıları təşviq edib:
“Məni həmişə muğam oxuyan Xalq artistləri tərifləyib. Bu da, məni daha uca, daha gözəl bir yerə qaldırıb. Əgər, mən bunu görmüşəmsə, onu da paylaşmalıyam”.
Dost seçimində diqqətli olduğunu deyən sənətçi hər kəslə yaxın olmadığını da dilə gətirib:
“Paxıl adama yaxşılıq eləmərəm. Kompleksi olan insanlarla isə ümumiyyətlə dostluq etmirəm. Əgər elədirsə, deməli, onunla bütün problemlərimi bölüşə bilmərəm. Mən səhv etsəm, üzr də istəyə bilirəm. Bir insan ki, bağışlanmağı dilinə gətirir, deməli, yanlışını bilir”.
Kompleksi olan insanları görməyə gözü olmayan Röya Ayxan həmin insanları bir baxışından tanıdığını deyir:
“Bir gün dostlarım haqqımda film çəksələr, mütləq desinlər. Mən masadan az adam qovmamışam. Demişəm ki, “dur, tərk et buranı! Xoşuma gəlmirsən!". Hiss edirəm ki, bu adam bizimlə biz deyil, vəssalam! Sünilik sakit durmaq deyil, əsla! Həyat mənə bunu öyrətdi ki, insan sakit də ola bilər, hamı sənin kimi çılğın ola bilməz ki, ay Röya!”.
Tədbirə axsayaraq gələn müğənninin halı diqqətdən yayınmayıb. Bunun səbəbi isə ifaçının ayağının sarğıda olması imiş:
“İstirahətə getmişdim, istədim video çəkim. Guya ki, kameraya təpik vuracaqdım, bir ayağımı qaldıranda o biri burxuldu. Bu gün ilk dəfə Nurana görə ayaqqabı geyinmişəm. Bir ayaqqabım 38, digəri isə 40 ölçüdədir. Ayın 8-i demişdim ki, gələcəyəm, gördüm alınmır, ondan sonra 10-nu dedim. Əgər, “bu gün də gələ bilmirəm” desəydim, ayıb olardı”.
Dubay istirahətindən yenicə qayıdan ulduz yeni işlərinin də müjdəsini verib:
“Gözləyin uşaqlar, çox möhtəşəm işlər gəlir. Deməyəcəyəm yox! Allahın izni ilə çox gözəl olacaq. Tanrı hər kəsin işini avand eləsin. Dubay çox gözəldir, hamı dəniz geyimində gəzir”.
