DİGƏR XƏBƏRLƏR
MENYU
Bu gün saat 13:30 radələrində Xankəndidə baş vermiş güclü partlayış ermənilərin təşvişinə səbəb olmuşdur. Hadisə yerinə yaxın olan sakinlər həyacan içində yenidən müharibə başladığını düşünərək qaçıb gizlənməyə başlamışlar. Az sonra məlumat yayılıb ki, partlayış şəhərin «Tiqran medz» küçəsi 20/3 — ünvaında yerləşən oksigen avadanlıqları anbarında yaranan yanğın nəticəsində baş vermişdir. Rəsmi məlumatda deyilir ki, partlayış nəticəsidə yüksək təzyiqli konteynerlər partlamışdır.
Sonradan yayılan məlumatlarda bildirilir ki, hələ keçən ildən anbarda şübhəli şəxslər tərəfindən qanunsuz olaraq gizli surətdə külli miqdarda silah-sursatlar və əl qumbaraları saxlanılırmış. Polis həmin şəxslərdən 4 nəfəri həbs edib və onlar haqqında cinayət işi açılıb.
Yanğınsöndürənlərin müdaxiləsi nəticəsində yanğının təcrid edilməsi işləri saat 6 — ya qədər davam etmişdir. Hadisə yerinə cəlb olunmuş təcili yardım həkimlərinin məlumatına görə partlayışın vurduğu maddi ziyan böyük olsa da, insan itkisi və ya xəsarət alanlar olmamışdır.
Hadisə yerindən maraqlı VİDEO:
