DİGƏR XƏBƏRLƏR
MENYU
“Retro Baku”nun yeni buraxılışı efirə gedib.
AZİNFORM.AZ xəbər verir ki, verilişin budəfəki sayı Milli Məclisin Mədəniyyət komitəsinin sədri, deputat Qənirə Paşayevaya həsr olunub.
Verilişdə mərhum millət vəkilinin əmisi – Əməkdar elm xadimi Qəzənfər Paşayev, həmkarı Fazil Mustafa və rəfiqələri onunla bağlı xatirələrini bölüşüblər.
Q.Paşayev Qənirə xanımın Xocalı arzusundan da bəhs edib:
“Deyirdi ki, Xocalını görmədən ölməyim. Xocalı azad olunduqdan iki gün sonra xəstəxanaya düşdü”.
Əməkdar artist Nuriyyə Hüseynova isə Qənirə Paşayevanın evlənməməsinin səbəbi ilə bağlı aralarında keçən dialoqdan danışıb:
“Ona dedim ki, ailə qur, övladın olsun. Zaman keçir, sənin davamçın olmalıdır. Çiynimə əli ilə vurub dedi ki, o qatar çoxdan gedib. Mən artıq özümü topluma həsr etmişəm”.
