DİGƏR XƏBƏRLƏR
MENYU
Xalq artisti Firəngiz Mütəllimova ATV kanalında mərhum dostu, tanınmış aktyor Yaşar Nuri haqqında xatirələrini bölüşüb.
AZİNFORM.AZ xəbər verir ki, aktrisa Xalq artisti ilə tanışlığından danışıb: "İlk dəfə Yaşarla institutda tanış oldum. Orada müəllim işləyirdi. Şux, qəribə yerişi var idi. Mənə təbəssümlə salam verirdi. Və deyirdi ki, sən Ofeliya Sənaninin qohumusan? Deyirdim ki, yox. Tariyel Vəliyev "Səni axtarıram" filmini çəkəndə Elçin obrazını Yaşar üçün yazmışdı, amma Gülnar obrazına aktrisa axtarırdılar. Tariyel müəllim deyir ki, "Gənclik estradası"nı aparan bir qız var idi. Onu tapın. Onun qəribə gülüşü var. Yaşar deyir ki, o, hələ bu sahədə yenidir. Tariyel müəllim isə deyir ki, qoy yoxlayaq. Mən də utancaq bir qız olduğum üçün tərəfmüqabilimin gözünün içinə düz baxa bilmirdim. Yaşar məni tərəfmüqabilimin gözünün içinə baxmağı öyrətdi. Məşqlərdən sonra Yaşar dedi ki, Firəngizi filmə çəkək. Biz obrazımızı elə oynadıq ki, bütün Azərbaycan bizim haqqımızda danışdı. Ondan sonra şayiələr başladı, Yaşar Nuriyev Firəngizi sevir, onunla ailə qurub, qoşulub qaçıblar, Azərbaycandan gediblər və s."
Elçin və Gülnar obrazı ilə sevilən Yaşar Nuri və Firəngiz Mütəllimova. 30 ildən artıq sənət yoldaşlığı onları birləşdirib.
Tamaşaçılarda Elçinlə Gülnarın məhəbbətinin təəssüratı o qədər güclü oldu ki, uzun illər onların həyatda da bir birini sevdiyi ilə bağlı söz söhbət səngimədi. Əslində isə....
Ətraflı videosüjetdə:
