DİGƏR XƏBƏRLƏR
MENYU
Məşhur rusiyalı stilist, bakılı Vadim Qalaqanov jurnalist Madonna Mura müsahibə verib.
AZİNFORM.AZ xəbər verir ki, o, müsahibəsində Bakı və Azərbaycan haqda danışıb.
"Vətən ana kimidir, o, çox ola bilməz. Ana bir dənədir, hansı ki dünyaya gətirib, Vətən də bir dənədir - doğulduğun yer. Bakı mənim üçün ikinci anadır. İndi Moskvanı da vətənim hesab edirəm. Bakı məni tərbiyə edib, Moskva isə məni mən edib", - Qalaqanov deyib.
"Bacım azərbaycanlıda ərdədir. Mən gələndə onlar Azərbaycan dilində danışırlar. 2-3 gündən sonra özüm də Azərbaycan dilində danışmağa başlayıram. Çox narahatam ki, bacım nəvəsi Azərbaycan dilində pis danışır. Soyadı Məmmədov, adı Əmirxandır və Azərbaycan dilində danışmır. Gələndə buna görə qalmaqal yaradıram. Deyirəm ki, siz bu torpaqda yaşayırsınız və Azərbaycan dilində yaşamırsınız. Siz başa düşməlisiniz ki, bu, vətəndir, bunlar çox sadə şeylərdir", - deyə o əlavə edib.
Bakı haqda xatirələrini bölüşən Qalaqanov qeyd edib ki, rus sektorunda təhsil alıb: "Azərbaycan dili müəllimim İradə İbrahimsultanovanı indiyədək xatırlayıram. O məni şeirləri Azərbaycan dilində oxuduğuma görə sevirdi".
O deyib ki, həm Azərbaycan, həm də İtaliyada tez-tez olur və ölkələrin ümumi cəhədləri çoxdur.
Məşhur bakılının sözlərinə görə, hər dəfə Bakıya gələndə özünü bacısı və bacısı qızının diqqəti ilə əhatə olunmuş xan kimi hiss edir: "Mən onlara maddi yardım edirəm. Bacımın həyat yoldaşı beş il əvvəl vəfat edib. Başa düşürəm, mən onun üçün nə ata, nə ana, nə də ərəm. Biz hamımız dadlı yemək və gözəl geyinməyə öyrəşmişik".
Xatırladaq ki, V. Qalaqanov 2019-cu ildə Mərdakan qəsəbəsində yerləşən dəbdəbəli bağ evi ilə gündəmə gəlmişdi.
