Ötən gün Mədəniyyət Nazirliyi yanında Mədəni İrsin Qorunması, İnkişafı və Bərpası Xidmətinin Şabran və Salyan Regional İdarələrinin rəisləri Sabit Qurbanovun və Babək Bəkirovun vəzifələrindən istefa vermələri barədə xəbər yayılıb.

AZİNFORM.AZ xəbər verir ki, məsələ ilə bağlı Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti cavab verib.

Bildirilib ki, məlumatda qeyd olunan məsələlər həqiqəti əks etdirmir:

“Həmin şəxslər öz ərizələri ilə işdən ayrılıblar. Qeyd olunan digər məsələlər isə həqiqəti əks etdirmir”.

Xatırladaq ki, işdən ayrılan şəxslər səbəb kimi qurum tərəfindən ərazilərdə mədəni irsi öyrənmək üçün lazımi şəraitin yaradılmamasını, maaşların azlığını, xidməti avtomobillərin olmamasını, yanacağın verilməməsini bildirmişdilər. /bizim.media/