Yeni bir araşdırmaya görə, tənhalığın qarşısını almaq və vaxtından əvvəl ölüm riskini azaltmaq üçün hər kəs ən azı ayda bir dəfə dostlarını və ailəsini ziyarət etməlidir.
AZİNFORM.AZ xəbər verir ki, Şotlandiyanın Qlazqo Universitetinin alimləri apardıqları təhlillər nəticəsində müəyyən ediblər ki, ən azı ayda bir dəfə yaxınlarını görməyənlər və tək yaşayanlar üçün ölüm riski artır.
Böyük Britaniyanın Biobank-ın araşdırmasından əldə edilən məlumatlardan istifadə edərək, alimlər orta hesabla 12,6 il ərzində orta yaşı 57 və beş fərqli sosial əlaqələri olan 458,146 insanı izləyiblər.
İllərlə aparılan araşdırmalardan sonra tədqiqatçılar müəyyən ediblər ki, sosial təcridin bütün növləri vaxtından əvvəl ölüm riskini artırır.
Araşdırmanın nəticələrinə görə, ailəsi və dostları heç vaxt ziyarət etməyən insanlarda ürək xəstəliyindən ölmə ehtimalı yüzdə 48 artır; Erkən ölüm ehtimalının hər gün yaxınları tərəfindən ziyarət edilənlərlə müqayisədə 39 faiz çox olduğu müşahidə edilib.
Müxtəlif növ sosial təcrid şəraitində yaşayanların ölüm nisbətinin daha yüksək olduğu müşahidə edilmişdir. Ailəsini və dostlarını heç görməyənlərin, təcrid olunmuş vəziyyətdə yaşamayanlara nisbətən vaxtından əvvəl ölüm nisbətinin 77 faiz daha çox olduğu müşahidə edildi.
BMC Medicine-də dərc edilən araşdırmada, hətta ayda bir dəfə yaxınlarınızı ziyarət etməyin ölüm riskini azalda biləcəyi ifadə edildi.
Araşdırmanın müəlliflərindən biri olan prof. "Çox təcrid olunmuş, ailəsini və dostlarını ümumiyyətlə görməyən və ən azı ayda bir dəfə görməyənlər üçün bir risk var" dedi Jason Gill.
