Futbolçunun ürəyi oyun vaxtı dayandı: Həkimlər onu necə xilas etdilər? - FOTOLAR
27-03-2023, 17:17

İspaniyanın üçüncü divizionunda dəhşətli hadisə baş verib.

AZİNFORM.AZ publika.az-a istinadən xəbər verir ki, “Rasinq Ferrel”lə oyunda “Kordoba”nın 25 yaşlı müdafiəçisi Draqişa Qudel ölümdən dönüb. 11-ci dəqiqədə futbolçu huşunu itirərək qazona yıxılıb. Sonradan məlum olub ki, Qudelin ürəyi dayanıb. Həkimlər dərhal meydana qaçıblar, lakin defibrilatorun ilk müdaxiləsi kömək etməyib.

Lakin Kordoba həkimləri təslim olmayıblar: Onlar ürək masajı və ürək-ağciyər reanimasiyası verməyə davam ediblər. İkinci boşalmadan sonra futbolçunun ürəyi işə düşüb. O, xilas olub. Qudeli təcili yardım maşını ilə xəstəxanaya aparıblar.

Narahatedici xəbərə ilk reaksiya verən Dragişinin qardaşı, “Sevilya”nın müdafiəçisi Nemanya Qudel olub. O, sosial şəbəkələrdə paylaşım edib və həkimlərə operativ köməyə görə təşəkkür edib və mətnə qardaşının xəstəxanadan çəkilmiş şəklini əlavə edib:

“Qardaşımın ürəyi əsasən "Kordoba" tibbi heyətinin, şəxsən doktor Sequranın dərhal müdaxiləsi nəticəsində döyünür. Bunun üçün ona sonsuz minnətdaram. Əsl döyüşçü artıq ayağa qalxır, çünki heç vaxt təslim olmur".

"Kordoba" da futbolçunu dəstəkləyir. Məsələn, akademiyanın gənc komandaları növbəti matça arxasında Qudelin adı yazılmış köynəklərdə çıxıblar.

Artıq klub, ictimaiyyət qarşısında həkimlərə təşəkkür edib və futbolçunun müalicəsi üçün pul ödəyəcəyini vəd edib.“Draqişa bizimlədir, biz onu tək qoymayacağıq. Bu, möcüzədir".





up