Kamil Zeynallı maraqlı post paylaşdı - FOTO - VİDEO
21-12-2022, 12:03

Paylaşımlarıyla daim diqqət çəkən, xeyirxahlığıyla tanınan fitnes məşqçisi Kamil Zeynallı daha bir maraqlı post paylaşıb.

AZİNFORM.AZ xəbər verir ki, "İnstagram" səhifəsində dərc etdiyi fotoda o və qızı Sahilə Dövlət İmtahan Mərkəzinin (DİM) Direktorlar Şurasının sədri Məleykə Abbaszadə ilə bir süfrədə oturublar.

Onlar Bakıda keçirilən gimnastika üzrə "Pro Sport Winter Cup" turnirində bir araya gəliblər. Uşaqlar arasında baş tutan yarışda ölkəmizin müxtəlif klublarından olan idmançılar qüvvələrini sınayıb. Burada 11 klubdan ümumilikdə 270 uşaq mübarizə aparıb.

"Bədii gimnastika üzrə uşaqların yarışmasında qızımla mən fəxri qonaq kimi dəvət almışdıq. Məleykə xanımın nəvəsi Nailə xanımın qızı da uğurlu çıxış etdi. Bütün iştirakçıları təbrik edirəm", - deyə Kamil Zeynallı paylaşımını şərh edib. /big.az/

Sözügedən fotonu təqdim edirik:





up