DİGƏR XƏBƏRLƏR
MENYU
Ömürlük məhkum Zahidi Kəhriz Abbasovun kamera yoldaşı Oleq Abişevi qətlə yetirdiyi məlum olub.
Bir neçə ay əvvəl mediada ömürlük məhkum Oleq Abişevin həbsxanada xəstəlikdən vəfat etməsi barədə məlumat yayılmışdı.
Məlum olub ki, O. Abişev xəstəlikdən deyil, cinayət nəticəsində həyatını itirib.
APA-nın məlumatına görə, 29 ildir məhkum həyatı yaşayan Zahidi Kəhriz Abbasov mübahisə zəminində eyni kamerada saxlanıldığı ömürlük məhbus Oleq Surxayeviç Abişevə ağır bədən xəsarətləri yetirib. Oleq Abişev bir neçə gün sonra müalicə müəssisəsində vəfat edib.
Zahidi Kəhriz Abbasova qarşı Cinayət Məcəlləsinin 120.2.2 (xuliqanlıq niyyəti ilə adam öldürmə) maddəsi ilə ittiham irəli sürülüb.
Hazırda cinayət işi Bakı Ağır Cinayətlər Məhkəməsində hakim Fərid Namazovun sədrliyi ilə araşdırılır.
Qeyd edək ki, Zahidi Kəhriz Abbasov 20 yaşında Rusiyada qətl törətdiyinə görə ömürlük məhkum edilib. O, 20 ildən sonra Azərbaycana gətirilib, Qobustanda yerləşən qapalı həbsxanaya köçürülüb.
Oleq Abişev isə anası və qardaşını döyərək öldürməkdə təqsirli bilinərək ömürlük məhkum olunub.
