DİGƏR XƏBƏRLƏR
MENYU
Ukrayna Müdafiə Nazirliyinin Baş Kəşfiyyat İdarəsinin rəsmi nümayəndəsi Andrey Yusov idarə rəisi Kirill Budanovun həyat yoldaşı Mariannanın zəhərləndiyini təsdiqləyib.
Yusov “Azadlıq” radiosunun Ukrayna bölməsinin sorğusuna cavab olaraq "Ukrayna mətbuatı tərəfindən yayılan zəhərlənmə ilə bağlı məlumat reallığa uyğundur" deyib.
"Ukrayna kəşfiyyatı rəhbərinin həyat yoldaşı "artıq müalicə kursu keçir və bu kurs artıq tamamlanır", - deyə Yusov vuröulayıb.
O, daha sonra əlavə məlumat verəcəyini vəd edib.
Daha sonra Ukrayna Xarici Kəşfiyyat Xidmətinin keçmiş rəhbəri Valeri Kondratyuk Ukraynanın NV radiosunda Budanovanın zəhərlənməsinə “arsen və civənin səbəb olduğunu” bildirib.
Çərşənbə axşamı Ukraynanın "Babel" nəşri Ukrayna kəşfiyyatındakı mənbələrinə istinadən xəbər verib ki, hərbi kəşfiyyat rəhbərinin həyat yoldaşı ağır metallarla zəhərlənib. Nəşrin məlumatına görə, səhhəti pisləşəndən sonra Marianna Budanova xəstəxanaya yerləşdirilib.
"Babel"in mənbəsi qeyd edib ki, onun orqanizmində gündəlik həyatda və hərbi işlərdə istifadə olunmayan maddələrin olması “konkret bir şəxsi zəhərləmək üçün qəsdən xəbər verə bilər”. "Babel" bildirib ki, adam öldürməyə cəhd faktı araşdırılır. Bundan əvvəl Budanov Ukrayna mətbuatına müsahibəsində bildirib ki, arvadı Müdafiə Nazirliyinin Baş Kəşfiyyat İdarəsində işləməsə də, daim onun kabinetində yaşayır.
Kirill Budanovun özündə də isə zəhərlənmə əlamətləri aşkar edilməyib.
