DİGƏR XƏBƏRLƏR
MENYU
ABŞ və Yaponiya bölgədə gücə çevrilməkdə olan Çin və Rusiyaya meydan oxuyan birgə təlim keçirib. Yaponiya Müdafiə Nazirliyinin verdiyi açıqlamaya görə, ABŞ Hərbi Hava Qüvvələrinə məxsus onlarla F-22 qırıcısı, 4 F-35 qırıcısı və 13 F-15 qırıcısı, 20 Yaponia-2 döyüş təyyarəsinin iştirakı ilə keçirilən təlim Yaponiya yaxınlığında baş tutub.
AZİNFORM.AZ xəbər verir ki, Yaponiya dənizi, Sakit Okean və Şərqi Çin dənizi üzərindəki uçuşlar uğurlu olub. Verilən açıqlamada təlimin “Yaponiya-ABŞ Alyansının təsirli çəkindirmə qabiliyyətini gücləndirmək” məqsədi ilə həyata keçirildiyi vurğulanıb.
ABŞ Hərbi Hava Qüvvələri bu həftəki təlimlə bağlı heç bir açıqlama verməsə də, keçən ay Kadena Hava Bazasına 12 F-22 döyüş təyyarəsinin göndərildiyi açıqlanıb. Mövzu ilə bağlı verilən açıqlamada göndərilən F-22-lərin Hind-Sakit Okeanı azad etmək üçün müxtəlif missiyalar yerinə yetirəcəyi vurğulanıb.
Qeyd edək ki, Çin və Rusiya hərbi gəmiləri son rübdə Yaponiya ətrafında mövcudluğunu artırıb. Yaponiya Sahil Fövqəladə Qüvvələri bu yaxınlarda elan etdi ki, Çin hökumətinin iki gəmisi keçən həftə Şərqi Çin dənizindəki Senkaku adaları yaxınlığındakı Yaponia ərazi sularına daxil olub. Edilən açıqlamada gəmilərin yerli vaxtla saat 04:30 radələrində Uotsuri adasındakı sulara girərək bölgədə fəaliyyət göstərən Yapon balıqçı gəmisinə yaxınlaşmağa başlayıb, Yaponiya Sahil Mühafizə Qüvvələrinin patrul gəmilərinin isə Çin gəmilərinə xəbərdarlıq etdiyi bildirilib.
Ümumilikdə, son vaxtlar Çinin bu əyalətdə Yaponiyanın ərazi sularına qarşı etdiyi pozuntuların sayı 12-yə yüksəlib.
