MENYU
NASA kəşf edildiyi zaman ən uzaq aktiv kometa olan və Günəş sisteminin içərisinə doğru hərəkət edən göy cisminin astrofotoqrafı tərəfindən çəkilmiş şəklini paylaşıb. Bu ən uzaq aktiv kometa tezliklə Yerin yaxınlığından keçəcək.
AZİNFORM.AZ xəbər verir ki, göy cismi hazırda Yerdən 300 milyon kilometrdən az məsafədədir. Bundan əlavə, iyulun 14-də o, uzun məsafə qət edərək planetimizə ən yaxın mövqeyinə, dekabrda isə Günəşə ən yaxın mövqeyinə çatacaq.
Nüvəsi 18 kilometr diametrdə olan nəhəng kometa C/2017 K2 (PanSTARRS) 2017-ci ildə ilk dəfə 2,4 milyard kilometr uzaqlıqda kəşf ediləndə artıq koma yaradırdı. Koma Günəşin kometi qızdırması nəticəsində yaranan qaz bulududur. Parlayan komanın kiçik bir teleskopun köməyi ilə gecə səmasında görünməsi lazımdır. Kometin böyüklüyünə baxmayaraq, koma çılpaq gözlə müşahidələr üçün çox zəif ola bilər.
Qeyd edək ki, kometa sentyabr ayına qədər Şimal yarımkürəsində teleskoplara görünəcək.
AZİNFORM.AZ videomaterialı təqdim edir:
