Yazıb bəstələdiyi mahnılarla türk musiqisinə böyük töhfələr verən Anadolu rok musiqisinin yaradıcılarından olan Barış Mançoya abidə ucaldılacaq. 1998-ci ildə dünyasını dəyişən əfsanəvi şəxsiyyətin oğlu atasının abidəsinin harada ucaldılacağını açıqlayıb.
AZİNFORM.AZ bildirir ki, Barış Mançonun oğlu Doğukan Manço atasının heykəlinin Belçikanın Liege şəhərində ucaldılacağını açıqlayıb.
Doğukan Manço sosial şəbəkədəki paylaşımında bu ifadələrdən istifadə edib:
"Bu gün Belçikada Lyej şəhərinin meri (Villi Demeyer) və Belçika Maliyyə Nazirliyi ilə bir masa arxasında oturduq. Ölkə daxilində keçiriləcək tədbir üçün aldığımız dəvətin təfərrüatları barədə daha sonra sizə məlumat verəcəyəm. Barış Mançonun xatirəsi və onun adını yaşadacaq abidələr və əsərlər."