Prezident Rəcəb Tayyib Ərdoğan Türkiyənin ilk yerli avtomobili olan “Togg”u Qətər əmiri Şeyx Təmim bin Hamed Al Saniyə hədiyyə edib.

AZİNFORM.AZ xəbər verir ki, Prezident Ərdoğan və Əl Sani Lüsail sarayında təkbətək görüşdükdən sonra heyətlər arasında görüş keçirib.

Ərdoğan Qətər əmirinə Türkiyənin yerli avtomobili “Togg” hədiyyə edib. Əmir maşının sükanı arxasına keçib onu sarayın həyətində idarə edib.

Liderlər bu avtomobillə iclas zalına gəliblər.

Görüş zamanı Qətər Əmiri Əl Sani prezident Ərdoğana argentinalı futbolçu Lionel Messinin imzası ilə Qətərdə keçirilən FIFA 2022 Dünya Çempionatının finalında oynadığı topu göstərib.