Afrika qitəsində neft və təbii qazla zəngin Nigeriyada fəaliyyət göstərən “Nigerian Airlines” 9 maydan etibarən artan yanacaq qiymətləri səbəbiylə bütün daxili uçuşları dayandırır.

  Nigeriya Hava Yolları (AON) tərəfindən verilən məlumata görə, yanacaq qiymətlərinin bu il Rusiya-Ukrayna müharibəsi səbəbiylə təxminən 4 dəfə artdığı və hava yollarının 4 ay ərzində xidmətlərə subsidiya verməli olduğu üçün mayın 9-dan etibarən ölkədə bütün daxili reyslərin dayandırılır.

  Dünyanın heç bir aviaşirkəti bu qədər astronomik yüksəlişin bu cür qəfil şokunun belə qısa müddətdə öhdəsindən gələ bilməz.

  Yanacağın qiymətinin qalxması ilə bağlı hökumət tədbirlər görməlidir”.

  Nigeriya Aviasiya Nazirliyi hava yolları şirkətini əməliyyatların dayandırılmasının nigeriyalılar və qlobal səyahətçilər üçün multiplikativ təsirini nəzərə almağa çağırıb.

  Nigeriya İstehlakçıların Müdafiəsi Agentliyi də Nigeriya Hava Yollarından uçuşların dayandırılmasının sərnişinlərə təsirini və belə bir hərəkətlə bağlı çətinliklərin miqyasını nəzərə almağı xahiş edib.

  Qeyd edək ki, mart ayından bəri Nigeriyada yanacaq qiymətlərinin artması səbəbindən çoxlu uçuşlar ləğv edilib və gecikmələr olub. Son həftələr bəzi marşrutlarda uçuş qiymətləri hətta 3 dəfə artıb.

  Xatırladaq ki, təxminən 37 milyard barel neft ehtiyatı olan Nigeriya dünya ehtiyatlarının 3,1 faizinə malikdir. Xam neft hasilatında dünyanın ilk 15 ölkəsi arasında yer alan Nigeriya dünyada ən çox neft ehtiyatına malik 8-ci, neft ixracatında isə 6-cı ölkədir.