DİGƏR XƏBƏRLƏR
MENYU
Sumqayıt Ağır Cinayətlər Məhkəməsində rüşvət almaqda təqsirləndirilən sabiq hakim İlyas Mahmudovun cinayət işi üzrə məhkəmə prosesi davam etdirilib.
Azinform.az-ın məlumatına görə, bu gün hakim Fəhmin Hümbətovun sədrliyi ilə keçirilən prosesdə prokuror ittiham aktını elan edib. Keçmiş hakim ona elan olunmuş ittiham üzrə özünü təqsirli bilməyib və növbəti prosesdə təfərrüatlı ifadə verəcəyini vəd edib.
İttihama görə, E.Mahmudovun əməlləri nəticəsində dəymiş ziyan 214 min manat təşkil edir. İş üzrə zərərçəkmiş qismində Dövlət Sosial Müdafiə Fondu tanınıb.
Növbəti məhkəmə iclası noyabrın 14-də olacaq.
Qeyd edək ki, Əmək Nazirliyindən və Dövlət Sosial Müdafiə Fondundan pensiyaların əsassız təyin edilməsi faktı və Sumqayıt şəhər məhkəməsinin adından çıxarılmış qanunsuz qərarlarla bağlı digər qanun pozuntuları faktı üzrə daxil olmuş materiallar əsasında , Mahmudov barəsində Korrupsiyaya Qarşı Mübarizə Baş İdarəsində cinayət işi açılıb. İstintaq müəyyən edib ki, İlyas Mahmudov 2008-2019-cu illərdə Sumqayıt Şəhər Məhkəməsinin hakimi vəzifəsində çalışarkən müəyyən qərarlar qəbul etmək müqabilində rüşvət alıb. O cümlədən, qeyd olunan müddətdə təqsirləndirilən şəxslər staj və əlilliyin müəyyən edilməsi ilə bağlı qanunsuz məhkəmə sənədlərini aidiyyəti qurumlara təqdim etməyə nail olublar. Bu əsasda ümumilikdə 243 min 441 manat məbləğində pensiya qanunsuz ödənilib.
İttihama görə, sabiq hakimin cinayət işi üzrə dəymiş ziyan 214 min manatdır.
