DİGƏR XƏBƏRLƏR
MENYU
"Yağ-bal içində böyümüşəm. Zəngin ailədənəm. Ata, buna görə çox sağol (gülür). Mən zəngin oğlana ərə getdim, amma Rusiyada boşandım. Çünki sevgisiz ailə qurmuşdum. Bizim evliliyimiz valideyinlərin rzası ilə qurulmuşdu. Hərdən valideyinlər də səhv edə bilir. Onun 24, mənim isə 17 yaşım vardı. Bizim 7 yaş fərqimiz vardı".
AZİNFORM.AZ bizim media-ya istinadən xəbər verir ki, bu sözləri müğənni Roza Zərgərli qonaq olduğu "Elgizlə izlə" ictimai-sosial verilişində deyib.
17 yaşında ailə qurduğunu söyləyən sənətçi bildirib ki, sevdiyi şəxsə acıq etdiyi üçün digər oğlanla evlənib.
"Oğlan məni "kaset"də görmüşdü. Sual verdilər ki, bu oğlanla ailə qurarsan, "Hə" cavabı verdim. Çünki, sevdiyim oğlana acıq etdiyimə görə buna "Hə" demişdim. Bizim dövrümüzdə öncə qız gedirdi, bir kilometr arxasınca oğlan gedirdi. Dərhal deyirdilər ki, bunlar sevgilidir. Uşaq sevgisi olub. "Hə" dediyim oğlan isə tələbə yoldaşım idi".
Rozanın sözlərinə görə, atası onun müğənni olmasına qarşı çıxıb.
"Atam mənim müğənni olmağıma qarşı idi. Deyirdi ki, müğənnilik sənəti bizim ailəmizə yaraşmaz. Amma illər sonra o söylədi ki, səhv etmişəm. Gərək sənə dəstək olardım ki, bundan da böyük zirvədə olardın".
R.Zərgərli bildirib ki, o, sənətşunaslıq üzrə müdafiəyə hazırlaşır.
"Zəngin ailədə doğulsam da, 2000-ci illərdə Bakıya gələndə qucağımda körpə uşaqla (qızı Bənövşə - red.) hər şeyi sıfırdan başlamışam. İndi isə elmlər namizədiyəm, sənətşunaslıq üzrə "doktor" müdafiəmə az qalıb. Bunların hamısına özüm nail olmuşam. Roza Zərgərlini brend kimi özüm etmişəm".
AZİNFORM.AZ
