"Yutubda trendə düşənlər məni əsəniləşdirir, qıcıqlandırır. Hərdən baxırsan ki, milyon baxış toplayıb, amma eşitməmişəm. Radio yayımlamır, insanlar qulaq asmayıb, məclisdə bunu istəyən yoxdur. Necə "hit" oldu?".

AZİNFORM.AZ axşam.az-a istinadla xəbər verir ki, bu sözləri müğənni Nadir Qafarzadə "Özəl tube" proqramında deyib. Sənətçi son günlər yutubda "trend" olan mahnıları tənqid edib. O, baxış saylarını saxta adlandırıb:

"Efirdə özü olmayan, qeyri-səmimi adamlar var. Onları səhnə arxasında tanıyırıq, səhnədə o deyil. Eyyub Yaqubov səhnədə də, efirdə də eynidir. Amma İlhamə Quliyeva yox. Deyib-gülən, səmimi qadın idi. Kamera qarşısında isə əsəbi görünürdü".

"Sənətə gəldim, məcbur şou-biznesə çevrildim. Sənətdə pul yoxdur. Cib boşdur. Məcburiyyətdən - yaxşı yaşamaq, övladlarımın xaricdə oxuması, yaxşı maşın idarə etmək, rahat həyat üçün şou-biznesə gəldim" deyə, Nadir əlavə edib.