Musa Yaqubun qəbirüstü abidəsi tamamlanmaq üzrədir
18
7-01-2022, 22:48
Gündəm

 

Mərhum Xalq şairi Musa Yaqubun qəbirüstü abidəsi tamamlanmaq üzrədir.

"Azinform" xəbər verir ki, bu barədə APA-ya qəbirüstü abidənin müəllifi, Xalq rəssamı, heykəltəraş Natiq Əliyev məlumat verib.

Onun sözlərinə görə, qəbirüstü abidənin şairin ölümünün ildönümünə qədər qoyulması planlaşdırılır.

N. Əliyev vurğulayıb ki, hazırda abidənin gips modelinin qranitə köçürülməsi prosesinə başlanılıb.

Qeyd edək ki, Musa Yaqub ötən il mayın 7-də İsmayıllı rayonunun Buynuz kəndində vəfat edib. O, vəsiyyətinə uyğun olaraq kənd qəbiristanlığında, həyat yoldaşının yanında torpağa tapşırılıb.






up