MENYU
Tanınmış azərbaycanlı rejissor, yazıçı və şairin mənzilini mənimsəyiblər. Azərbaycanlı professor Əflatun Nemətzadə “tikinti fırıldaqçılarının” onun pulunu ələ keçirməsindən şikayətlənir.
AZİNFORM.AZ xəbər verir ki, professor Nemətzadə Türkiyənin “Anadolu” qəzetinə hadisə ilə bağlı danışıb və xüsusilə bildirib ki, 2017-ci ildə Ankarada Qazi Universitetində dərs deyən zaman Azərbaycan səfirliyindən ona zəng ediblər və bildiriblər ki, Bakıdan gələn bir nəfər onunla mənzili ilə bağlı görüşmək istəyir.
Nemətzadə bu adamla görüşəndə professora müqavilə verib. Müqaviləyə əsasən professor Bakının Nəsimi rayonunda yerləşən evinin sökülməsinə icazə verərsə Bakının Nəsimi rayonundakı evinin yerində tikilən binadan daha geniş mənzil əldə edəcək.
Nemətzadə bu müqavilə ilə razılaşmayaraq, mənzil-tikinti kooperativinin nümayəndəsinə yay tətili üçün Bakıya qayıdacağını, məsələ ilə yerindəcə məşğul olacağını və yalnız bundan sonra razılığını verəcəyini bildirib.
Lakin yayda evə qayıdanda Nemətzadə mənzilinin yerləşdiyi Nəsimi küçəsi 80 ünvanındakı evin ətrafında sakinlərin zorakılıqla etiraz etdiyini görüb və çaşıb qalıb. Lakin professorun yaxın dostu onu arxayınlaşdıraraq bildirib ki, “Fədək” MTK-nın rəhbəri onun qohumudur və narahat olmağa dəyməz.
Dostu Nemətzadəyə “Bu şirkət dövlət tərəfindən dəstəklənir, imza atıb evi buraxın” dedi. "Sizdən başqa hamı artıq köçməyə razılaşıb." deyib.
Nəticədə professor şirkət rəhbərinin vədlərinə inanıb və evin sökülməsinə razılaşıb. O, həmçinin Azərbaycan Nazirlər Kabinetinin “Fədəq” mənzil-tikinti kooperativinin Nəsimi rayonunda köhnə tikililərin pilot layihəsi çərçivəsində köhnə tikililərin sökülməsi və yenilərinin tikilməsi üçün verdiyi rəsmi icazədən əmin olub və eləcə də şirkətin arxasında Nəsimi rayon İcra Hakimiyyətinin başçısı Asif Əsgərovun durmasını bir növ təminat bilib.
Lakin sonradan köhnə evi dağıdan şirkət yenisini tikməkdən imtina edib. Əflatun Nemətzadənin sözlərinə görə, onun əmlakı bir neçə il rütubətli yerdə saxlandığından maddi ziyan dəyib. Nemətzadə maddi təzminat tələbi qaldırıb, lakin Nəsimi Rayon Məhkəməsi onu rədd edib.
Nemətzadə iddia edir ki, müqaviləyə əsasən, sökülən mənzilin əvəzinə ona 20 kvadratmetr genişləndirilməsi ilə 118 kvadratmetr sahəsi olan yeni mənzil verməlidirlər. Ancaq şirkətin sahibi dəyişdi, nəticədə yeni rəhbərlik əvvəlki layihəni təxirə saldı və yenisini hazırladı, buna görə ev sahiblərinə 140-150 kvadratmetr sahəsi olan mənzillər əlavə ödənişlə təklif edildi.
“Şəxsən mənim pulum yoxdur, mən təqaüddə olan professoram”, - Azərbaycanın xalq artisti deyir. “Şirkətin Elnur adlı nümayəndəsi ilə danışdım, dedi ki, ödəməkdən imtina etsəm, ümumiyyətlə, heç nə almayacağam. Mən şoka düşdüm və yenə ondan soruşdum: “Məni mülkümdən məhrum edəcəksən?” Buna Elnur təsdiqlə başını tərpətdi. Afrika ölkələrində belə biabırçılığı, qanunsuzluğu, riyakarlığı tapa bilməzsən!..”
Professor Nemətzadə prezident İlham Əliyevdən kömək istəyib, dövlət başçısının onu şəxsən tanıdığını və bu əhvalatdan xəbər tutacağı təqdirdə mütləq tədbir görəcəyini qeyd edib.
Qeyd edək ki, Professor Əflatun Nemətzadə 1944-cü il aprelin 25-də Azərbaycan Respublikasının Astara royu, Ərcivan kəndində dünyaya göz açıb. 1962-1967-ci il Azərbaycan Teatr İnstitutu və 1970-1975-ci ildə Leningrad Dövlət Konservatoriyası, Opera Rejissorluğu Fakültəsini bitirib.1964-1968-ci ildə Azərbaycan Dövlət Musigili Komediya Teatrında aktyor kimi fəaliyyətə başlayıb. 1968-1970-ci illərdə Memarlıq və İncəsənət İnstitutunun dissertantı olub.1970-1975-ci illərdə Rimski-Korsakov adına Leningrad Dövlət Konservatoriyası Opera Rejissorluğu fakultəsini bitirib.1975-1977-ci illərdə Azərbaycan Dövlət Akademik Opera və Balet Teatrında Quruluşcu Rejissor kimi fəaliyyət göstərib.1977-1979-cu illər Moskva Bolşoy Opera ve Balet Teatrında Baş rejissor yardmçısı işləyib. 1980-1984 Yəmən Halk Respublikasında Milli Dövlət Teatrının qurucusu və başrejissoru olub. 1984-1992-ci illər Azərbaycan Akademik Opera ve Balet Teatrında quruluşçu rejissor işləyib.
Azərbaycan və Türkiyənin teatr rejissoru,yazıçı, Azərbaycan Respublikasının Əməkdar İncəsənət Xadimi, Azərbaycan Respublikasının Xalq Artisti, Ankara Qazi Universitetinin professoru, fəlsəfə və sənətşünaslıq doktoru, Azərbaycan Yazıçılar Birliyinin üzvü, Yəməndə milli operanın qurucusu, Yeni Azərbaycan Yardımlaşma və Mədəniyyət Dərnəyinin sədri Əflatun Nemətzadə Azərbaycan dilinin və mədəniyyətinin xarici ölkələrdə təbliğinə verdiyi töhfəyə görə 26 dekabr 2020-ci ildə “Diaspor fəaliyyətində xidmətə görə” medalı ilə təltif olunub.
